ლეგენდარული ამერიკული როკჯგუფი საქართველოშია. აეროსმიტის წევრები ბათუმში გუშინ ჩამოფრინდნენ. მათ სასტუმროსთან თაყვანისმცემლები და ჟურნალისტები დახვდნენ.

სტივენ ტაილერის თქმით, ის მოუთმენლად ელოდება ქართველ მსმენელთან შეხვედრას. „აეროსმიტის“ კონცერტი “ბლექ სი არენაზე“ დღეს გაიმართება.

ჯგუფი საქართველოს ევროპული ტურნეს ფარგლებში სტუმრობს. "აეროსმიტი" მსმენელის წინაშე საათნახევრიანი პროგრამით წარდგება. ჯგუფის თაყვანისმცემლები გრანდიოზული შოუს მოლოდინში არიან.