დაუფიქრებელ რეპლიცა- ასე აფასებს ჰერბერტ ზალბერის განცხადებას ევროკავშირში საქართველოს ელჩი.
ნატალია საბანაძე განმარტავს, რომ საქართველოსთვის სამხრეთ კავკასიის საკითხებში ევროკავშირის სპეციალური წარმომადგენლის რეპლიკა შემაშფოთებელია და აღნიშნულის შესახებ ევროპელ პარტნიორებს ინფორმაცია უკვე მიეწოდათ.
რაც შეეხება ჰერბერტ ზალბერის ჩანაცვლების საკითხს, ნატალია საბანაძის განცხადებით, ამაზე საუბარი რთულია. მისივე თქმით, მთავარია ევროკავშირის სპეციალური წარმომადგენლის ინსტიტუტსა და მის ჟენევის მოლაპარაკებებში ჩართულობას ზიანი არ მიადგეს.
საბანაძის თქმით, მომხდარი ფაქტით ევროკავშირიც შეშფოთებულია. ელჩი განმარტავს, რომ ევროკავშირი ცალსახად არ აღიარებს არჩევნებს, რომელიც ოკუპირებულ ცხინვალში ჩატარდა და მხარს უჭერს საქართველოს ტერიტორიულ მთლიანობას.