ჰომოფობიის, ტრანსფობიისა და ბიფობიის წინააღმდეგ ბრძოლის საერთაშორისო დღესთან დაკავშირებით, მთავრობის კანცელარიასთან აქცია დასრულდა.
როგორც აქტივისტებმა განაცხადეს, ისინი აქციის სხვაგან გაგრძელებას არ გეგმავენ.
აქციაზე აქტივისტები სიტყვით გამოვიდნენ, ისაუბრეს მათი პირადი ისტორიებისა და იმ პრობლების შესახებ, რომლებსაც მათი თქმით, ყოველდღიურად აწყდებიან.
აქციის მონაწილეებმა წუთიერი დუმილით პატივი მიაგეს ლგბტ თემის დაღუპულ წარმომადგენლებს და სახელმწიფოს მათი საქმეების გამოძიება მოსთხოვეს.
აქციის მონაწილეებმა შსს-ს თანამშრომლების დახმარებით დატოვეს ტერიტორია. ისინი კანცელარიიდან მიკროავტობუსებით წაიყვანეს.
ამასთან, ვრცელდებოდა ინფორმაცია, რომ ოჯახის სიწმინდის დღესთან დაკავშირებული აქციის მონაწილეები კანცელარიასთან მისვლას გეგმავდნენ, თუმცა კანცელარიამდე მისასვლელი გზები პოლიციას ქონდა გადაკეტილი.
მთავრობის კანცელარიასთან უსაფრთხოების ზომები ისევ გამკაცრებულია.