შეიქმნება თუ არა პარლამენტში სპეციალური საგამოძიებო კომისია, რომელიც გენერალური აუდიტორის, ლაშა თორდიას და ყოფილი მთავარი პროკურორის, ოთარ ფარცხალაძის დაპირისპირების ფაქტს გამოიძიებს.

აზრთა სხვადასხვაობის მიუხედავად, საკითხი პარლამენტის დღის წესრიგში მაინც შევიდა და დეპუტატები ჯერ კომიტეტებში, შემდეგ კი პლენარულ სხდომაზე იმსჯელებენ.

ოპოზიციის ინიციატივის განხორციელების აუცილებლობას ვერ ხედავენ მმართველ გუნდში. უმრავლესობა მიიჩნევს, რომ საკითხი სამართალდამცველებმა უნდა შეისწავლონ, საკანონმდებლო ორგანო კი მხოლოდ იმ შემთხვევაში უნდა ჩაერთოს, თუ აღმოჩნდება, რომ რაღაც არასწორად მიმდინარეობს.