დარიალისა და დევდორაკის ხეობების გადაკვეთის ადგილას, ორ კილომეტრამდე სიგრძის გვირაბის მშენებლობა იწყება. ამ დროისთვის გვირაბის საპროექტო სამუშაოები აქტიურად მიმდინარეობს.

ტენდერში გამარჯვებულმა კომპანიამ დეტალური პროექტის მომზადების შუალედური ანგარიშის ფარგლებში, პროექტის რამდენიმე ვარიანტი წარადგინა, რომელსაც კომპანიის სპეციალისტები, გეოლოგები და საავტომობილო გზების დეპარტამენტის თავმჯდომერე ადგილზე გაეცნენ.

დარიალის ხეობაში, ბოლო წლების განმავლობაში, სტიქია რამდენჯერმე განმეორდა, რაც საფრთხეს უქმნიდა ამ მონაკვეთზე მგზავრების გადაადგილებას, ასევე ამ პერიოდში მცხეთა-სტეფანწმინდა-ლარსის გზაზე, სატრანზიტო ფუნქცია წყდებოდა, რაც ქვეყნისთვის, საშუალოდ მილიონ ლარამდე დანაკარგი იყო ყოველდღიურად.