თემა, რომელიც დღევანდელი შეხვედრის ჩაშლის ერთ-ერთი მიზეზი გახდა, მიწების გასხვისებას ეხება. საკონსტიტუციო კომისიის თავმჯდომარე ოპონენტების ნაწილს არასწორი ინფორმაციის გავრცელებაში ადანაშაულებს. შეთავაზებული პროექტის მიხედვით, ქვეყნის უზენაეს კანონში ჩაიწერება, რომ მიწების უცხო ქვეყნების მოქალაქეებზე მიყიდვის საკითხს ორგანული კანონი დაარეგულირებს. ამ კანონში შესატანი ცვლილებებით, მიწების სხვა ქვეყნების მოქალაქეებზე გასხვისება, სავარაუდოდ, არ აიკრძალება, თუმცა შესყიდვის დროს მთელი რიგი შეზღუდვები დაწესდება. საპარლამენტო კომისია კანონპროექტზე ჯერ ისევ მუშაობს და შესაძლოა, მასში გარკვეული კორექტივები შევიდეს.