კულტურის მოღვაწეებისთვის ვარსკვლავის გახსნასთან დაკავშირებული საკითხების სამართლებრივ ჩარჩოებში მოქცევის აუცილებლობაზე იმსჯელეს დღეს საკრებულოში.
სამუშაო ჯგუფი საკრებულოს იურიდიული კომიტეტის, მერიის კულტურის საქალაქო სამსახურის, კულტურის სამინისტროს წარმომადგნლებითა და კულტურის დამსახურებული მოღვაწეებით დაკომპლექტდა.
შეხვედრაზე, ფილარმონიის წინ ჯგუფ „სახეს“ ვარსკვლავის გახსნას გამოეხმაურნენ და აღნიშნეს, რომ სფეროს სამართლებრივი დაურეგულირებლობა ნებისმიერ მსურველს აძლევს საშუალებას, ფილარმონიისთან ვარსკვლავების გახსნა საკუთარი შეხედულებისამებრ მოითხოვოს.
თედო კობახიძის განმარტებით, ვარსკვლავის გახსნასთან დაკავშირებული პროცედურების დარეგულირების მიზნით, აუცილებელია შეიქმნას მთავრობის დადგენილება.
სწორედ აღნიშნული საკანონმდებლო ცვლილების ჩარჩო-დოკუმენტის შემუშავებაზე იმუშავებს ჯგუფი ერთი თვის განმავლობაში.
14 ივნისს დოკუმენტის ერთობლივი განხილვა მოეწყობა. ასევე გადაწყდა, რომ ახალი სამართლებრივი ნორმის შემოღებამდე ფილარმონიასთან ვარსკვლავები აღარ გაიხსნება.