საფრანგეთის ახალმა პრეზიდენტმა ემანუელ მაკრონმა პრემიერ-მინისტრად რესპუბლიკელი ედუარდ ფილიპი აირჩია.
46 წლის ედუარდ ფილიპი არ არის მაკრონის პარტიიდან, თუმცა მემარჯვენე-ცენტრისტია. მაკრონის ეს არჩევანი განიხილება, როგორც საუკეთესო შუალედი მემარცხენე და მემარჯვენე პოლიტიკურ მიმართულებას შორის.
ედუარდ ფილიპი, ქალაქ ჰავარის მერი და რესპუბლიკური პარტიის დეპუტატია. ფილიპი რესპუბლიკელების საპრეზიდენტო პრაიმერზე მხარს ალან ჟიუპეს უჭერდა. ხვალ საფრანგეთის პრეზიდენტი მინისტრთა კაბინეტის წევრებს დაასახელებს.
ეს მაკრონის პირველი მნიშვნელოვანი გადაწყვეტილებაა. შემდეგ თვეში, საფრანგეთში საპარლამენტო არჩევნებია. ექსპერტების თქმით, მაკრონს მისი ეკონომიკური რეფორმების განსახორციელებლად, სწორედ რომ მემარჯვენე-ცენტრისტების მხარდაჭერა სჭირდება. მის არჩევანს ფრანგი ექსპერტები ამ მიზეზით ხსნიან.
ამ გადაწყვეტილების შემდეგ, მაკრონის ყველაზე მნიშვნელოვანი ნაბიჯი გერმანიის კანცლერთან, ანგელა მერკერთან შეხვედრა იქნება.