ჩრდილოატლანტიკური ალიანსი აღმოსავლეთ ფლანგს აძლიერებს. აშშ-ის თავდაცვის მდივანი, ჯეიმს მეტისი სამდღიანი ევროპული ტურნეს ფარგლებში ლიტვაში ჩავიდა.

ვაშინგტონის გადაწყვეტილებით, ბალტიისპირეთში საჰაერო თავდაცვითი სისტემა გაიგზავნება. პენტაგონის მეთაური ლიტვის პრეზიდენტსაც შეხვდა.

რუსეთის მიმართ ხისტი პოზიციით ცნობილი დალია გრიბაუსკაიტე მოსკოვს ევროპის საფრთხეს უწოდებს და რუსეთის კალინინგრადის ოლქთან სასაზღვრო ზონის გამაგრებას ცდილობს.

ნატო-მ პოლონეთსა და ბალტიისპირეთში სამხედრო კონტინგენტის ზრდის გადაწყვეტილება გასულ წელს მიიღო.