შიიტურ დაჯგუფება “ჰეზბოლასა” და ისრაელს შორის ნებისმიერი დაპირისპირება სამომავლოდ, შესაძლოა, ისრაელის ტერიტორიაზე გაიმართოს. ამის შესახებ დაჯგუფების ლიდერმა, ჰასან ნასრალამ სატელევიზიო ჩართვისას განაცხადა.
ლიბანური სამხედრო ორგანიზაციის ხელმძღვანელის თქმით, ისრაელს კონფრონტაციის ეშინია, რადგან რაკეტები ნებისმიერ ადგილას მიაღწევენ. ჰასან ნასრალამ ასევე აღნიშნა, რომ სირია, ირანი, რუსეთი და სხვა მოკავშირეები სამხედრო და პოლიტიკური თვალსაზრისით ისტორიულად ყველაზე ჰარმონიულ დამოკიდებულებაში არიან.
ლიბანური ორგანიზაცია “ჰეზბოლა” სირიის ხელისუფლების გვერდით ამბოხებულ ჯგუფებსა და სუნიტურ სამხედრო შენაერთებს ებრძვის. სირიის ტერიტორიაზე ისრაელმა “ჰეზბოლას” სამიზნეები არაერთხელ დაბომბა.
დაპირისპირებულ მხარეებს შორის ბოლო ბრძოლა 2006 წელს მოხდა.
წყარო: Reuters