ბათუმის 11-12 მარტის მოვლენებთან დაკავშირებით დაკავებულ მერაბ ღოღობერიძეს ბათუმის საქალაქო სასამართლომ ადმინისტრაციული სამართალდარღვევის გამო 300 ლარიანი ჯარიმა შეუფარდა.

ადმინისტრაციულ საქმეზე პროცესი დღეს გაიმართა. მერაბ ღოღობერიძე ბათუმის მოვლენების გამო წინასწარ პატიმრობაშია, თუმცა სანამ მას სისხლის სამართლის საქმესთან დაკავშირებით დააკავებდნენ, სამართალდამცველებმა ადმინისტრაციული წესით დააჯარიმეს და მოგვიანებით პოლიციისადმი დაუმორჩილებლობის ბრალდებით დააკავეს.

გადაწყვეტილებას უსამართლოდ მიიჩნევენ ბრალდებული და მისი ადვოკატი და აპელაციით ზემდგომი ინსტანციისთვის მიმართვას გეგმავენ.