ცემა, მორგში ჩაკეტვა, მუქარა, დამცირება-ეს არის ფრაგმენტები ყოფილი პატიმრების ჩვენებებიდან.

სამწლიანი ძიების შემდეგ, გლდანის ციხის ყოფილი თანამშრომლები მსჯავრდებულების მიმართ არაადამიანურ მოპყრობაში არიან ბრალდებულები. მოტივად პატიმართა დაშინება და მორჩილება სახელდება.

საუბარია 2011-12 წლებზე. ექვს დაკავებულს 4-დან 6 წლამდე პატიმრობა ემუქრება. სისხლის სამართლის პასუხისგებაშია მიცემული ამავე ციხის ერთ-ერთი განყოფილების ხელმძღვანელი ოლეგ ფაცაცია, რომელიც სხვა საქმეზე უკვე დაკავებულია.

საგამოძიებო მასალებში ასეულობით პატიმრის ჩვენება დევს. ერთ-ერთი მათგანი ციხეში გატარებულ მძიმე პერიოდს მოამბესთან იხსენებს.