"ეფლის" კაპიტალიზაციამ გუშინ 800 მილიარდ დოლარს გადააჭარბა, რაც საბაზრო კაპიტალიზაციის კუთხით, ისტორიული რეკორდია მთლიანად აშშ-ს ბაზარზე.

ანალიტიკოსების აზრით, აქციების ფასი ახალი "აიფონის" მოლოდინის წყალობით იზრდება, რომლის ბაზარზე გამოტანაც, წელს იგეგმება. შედეგად, ერთი აქციის ფასმა გუშინ 0.6 პროცენტით მოიმატა და 153 დოლარსა და 99 ცენტზე დაფიქსირდა.

წლის დასაწყისიდან დღემდე "ეფლის" აქციები ჯამში 33 პროცენტით გაიზარდა. ანალიტიკოსები ვარაუდობენ, რომ თუ კომპანია ამ ტემპით განაგრძობს ზრდას, წლის ბოლომდე მისი კაპიტალიზაცია ტრილიონ დოლარს მიაღწევს.