“ერთიანი ნაციონალური მოძრაობის” ოფისში „ევროპის სახალხო პარტიის“ წევრებთან შეხვედრა დახურულ კარს მიღმა გაიმართა.
როგორც "ნაციონალური მოძრაობის" ლიდერები აცხადებენ, შეხვედრამ ნაყოფიერად ჩაიარა, საუბარი განახლებული “ნაციონალური მოძრაობის” წინასაარჩევნო გეგმებს, საგარეო პოლიტიკასა და კონსტიტუციის საყოველთაო განხილვას შეეხო.
"ევროპის სახალხო პარტიის" დელეგაცია მსგავსი ტიპის შეხვედრებს სხვა პოლიტიკურ პარტიებთან და არასამთავრობო სექტორთანაც გამართავს.
"ევროპის სახალხო პარტიის" ვიცე-პრეზიდენტ პაულო რანჟელის განცხადებით, ისინი მხარს უჭერენ ლიბერალურ დემოკრატიას და საქართველოში მიმდინარე საკონსტიტუციო რეფორმა მათთვის მნიშვნელოვან საკითხს წარმოადგენს.
"ევროპული საქართველო" "სახალხო პარტიაში" გაწევრიანებას გეგმავს.