რეჟისორი დიტო ცინცაძე შინდისის გმირების შესახებ ფილმს გადაიღებს. ირაკლი სოლომონაშვილის სცენარს 2008 წლის რუსეთ-საქართველოს ომში რეალურად მომხდარი ამბავი უდევს საფუძვლად . ფილმის პროდიუსერია ედმონდ მინაშვილი, რომელსაც შინდისის გმირების შესახებ დოკუმენტური ფილმების ციკლი აქვს გადაღებული.
ფილმში მსახიობთა ვარსკვლავური შემადგენლობა ითამაშებს. მთავარი გმირის როლს მერაბ ნინიძე შეასრულებს. ფილმში ასევე მონაწილეობას მიირებენ ჰოლივუდის ქართველი მსახიობი დავით ბახტაძე, ია სუხიტაშვილი და გიორგი ბაბლუანი.
ამ ეტაპზე, ფილმის სხვა მსახიობების შერჩევა მიმდინარეობს, როგორც უცხოელ, ისე ქართველ არტისტებს შორის.
მოლაპარაკებები ცნობილ ამერიკელ მსახიობ, ჯონ მალკოვიჩთანაც მიმდინარეობს.
ახალ ქართულ სრულმეტრაჟიან ფილმს „შინდისი“ ერქმევა და მისი გადაღებები ზაფხულში დაიწყება.