თბილისის დროით ღამის 12 საათზე პრემიერი კომერციის მდივანს უნდა შეხვდეს. მთავარი სასაუბრო თემა იქნება თავისუფალი სავაჭრო ხელშეკრულების ხელმოსაწერად მოლაპარაკებების დაწყება.
სტატისტიკური მონაცემების მიხედვით, საქართველოს საექსპორტო ბაზარზე აშშ-ის წილი დიდია და ის ხუთეულში შედის. მარტო 2017 წლის პირველი კვარტლის ოფიციალური მონაცემებით, ექსპორტიორ ქვეყნებს შორის რუსეთის, თურქეთის, ჩინეთის და ბულგარეთის შემდეგ სწორედ ამერიკაა.
მარტო პირველ სამ თვეში ამერიკულ ბაზარზე საქართველოდან 30 მილიონ დოლარზე მეტი პროდუქტი გავიდა. ყველაზე დიდი რაოდენობით ფეროშენადნობები, ასევე ხილისა და ბოსტნეულის წვენები, მინერალური წყლები და ღვინო გადის.
ეკონომისტების თქმით, ამერიკასთან სავაჭრო ურთიერთობების გაღრმავების პროცესში თავისუფალი ვაჭრობის შეთანხმების მიღწევას განსაკუთრებული როლი ენიჭება, რადგან ხელშეკრულება ქართველ მეწარმეებს ამერიკულ ბაზარზე შეღავათებით სარგებლობის საშუალებას მისცემს.