საქართველოს პრემიერ-მინისტრის ვიზიტი ამერიკის შეერთებულ შტატებში გრძელდება. გიორგი კვირიკაშვილი სენატის საგარეო კომიტეტის თავმჯდომარეს, სენატორ ბობ კორკერს შეხვდა.

სენატორმა, კომიტეტის სახელით, საქართველოს საგარეო პოლიტიკის მიმართულებით მტკიცე მხარდაჭერა დაადასტურა. მისი თქმით, ამერიკის შეერთებული შტატები მომავალშიც გააგრძელებს ქვეყნის დახმარებას ევროპული და ევროატლანტიკური ინტეგრაციის გზაზე.

შეხევდრაზე საუბარი საერთაშორისო უსაფრთხოების კუთხით არსებულ გამოწვევებსა და საქართველოს ოკუპირებულ ტერიტორიებზე შექმნილ ვითარებას შეეხო.

ასევე, აღინიშნა საერთაშორისო მისიებში საქართველოს მიერ შეტანილი წვლილის მნიშვნელობა.