ევროკავშირი უკრაინას უვიზო რეჟიმს უახლოეს დღეებში მიანიჭებს - ამის შესახებ უმაღლესმა ევროკომისარმა საგარეო საქმეთა და უსაფრთხოების პოლიტიკის საკითხებში ფედერიკა მოგერინიმ გაეროს უშიშროების საბჭოს სხდომაზე განაცხადა. მისი თქმით, ევროკავშირი მხარს უჭერს აღმოსავლელ პარტნიორებს და აძლიერებს მათ ეკონომიკასა და სახელმწიფო ორგანოებს. უახლოეს დღეებში კი, უკრაინასთან სავიზო პროცედურების გამარტივების შესახებ ოფიციალური განცხადებაც გაკეთდება. სავარაუდოდ, ეს ხვალ, 11 მაისს მოხდება, რის შემდეგაც გადაწყვეტილება ევროკავშირის ოფიციალურ ჟურნალში გამოქვეყნდება და 20 დღის შემდეგ უკვე ძალაში შევა.