ფაშიზმზე გამარჯვების დღე გორში, ტრადიციულად, სტალინის სახლ-მუზეუმის ეზოში აღნიშნეს კომუნისტური პარტიის წევრებმა და ვეტერანებმა. მიტინგს კომუნისტები სხვადასხვა რეგიონიდან შეუერთდნენ.
მცირე ინციდენტი მოჰყვა კომუნისტური პარტიის ბათუმის ორგანიზაციის თავმჯდომარის განცხადებას, რომელსაც ახალგაზრდები სიტყვიერად დაუპირისპირდნენ
მანამდე კი გორში ადგილობრივმა ხელისუფლებამ მემორილი ყვავილებით შეამკო. დიდების მუზეუმში ვეტერანებს ღონისძიებით უმასპინძლეს.
ქუთაისში კი 30-მა ვეტერანმა ადგილობრივი ბიუჯეტიდან ფულადი საჩუქარი, თითოეულმა 1000 ლარი მიიღო. მათ ასევე გადაეცათ პრემიერ- მინისტრის მილოცვა და 600 ლარი.
მემორიალის შემკობის შემდეგ გამარჯვების დღე ვეტერანებმა და ადგილობრივი ხელისუფლების წარმომადგენლებმა საბრძოლო დიდების მუზეუმში აღნიშნეს.
ომში დაღუპულთა მემორიალი ყვავილებით შეამკეს თელავშიც.