მკაფიო გზავნილი ევროსკეპტიკოსებს და არჩევანი ევროპული მომავლის სასარგებლოდ: საფრანგეთის პრეზიდენტი ევროპული კურსის მომხრე ემანუელ მაკრონი გახდა.
39 წლის პოლიტიკოსმა ევროკავშირის მოწინააღმდეგე და პუტინის პოლიტიკის მხარდამჭერი მარი ლე პენი მეორე ტურში დიდი უპირატესობით დაამარცხა.
ქვეყანაში საფრანგეთის ისტორიაში ყველაზე ახალგაზრდა პრეზიდენტის მმართველობა იწყება.
ევროპა ევროკავშირის ერთ-ერთი ყველაზე ძლიერი და წამყვანი ქვეყნის არჩევანით კმაყოფილია. ხელისუფლების სათავეში მოსულ ეკონომიკის ყოფილ მინისტრს, რომელსაც მინისტრობამდე არავინ იცნობდა, სურს, რომ ქვეყნის ისტორიაში გადაშლილი ახალი გვერდი გაერთიანების და ნდობის დაბრუნების გვერდი იყოს.
პარიზში საფრანგეთის საპრეზიდენტო არჩევნების შედეგებს ქეთევან ქარდავა აჯამებს.