გარემოს დაბინძურების გამო, „თბილსერვის ჯგუფის“ ზედამხედველობის სამსახურის ინსპექტორებმა 20 აპრილიდან დღემდე 202 საჯარიმო ოქმი შეადგინეს.

ჯარიმის ოდენობამ 21 ათას 580 ლარი შეადგინა. დაჯარიმებულთაგან 5 იურიდიული პირიც არის. როგორც „თბილსერვის ჯგუფში“ აცხადებენ, ამ პერიოდში გარემოს დაბინძურების გამო დაჯარიმდნენ უცხოეთის მოქალაქეებიც. ამ დროისთვის თბილისში ქვეითი ინსპექტორების ორკაციანი ათი ჯგუფი მოძრაობს, რაც შეეხება ჯარიმების ოდენობას, 2 კგ-მდე მუნიციპალური ნარჩენით გარემოს დანაგვიანება – 80 ლარი დაგიჯდებათ, იგივე ქმედება ჩადენილი შენობა-ნაგებობიდან კი 100 ლარი.