ნავთობის მომპოვებელი უმსხვილესი ქვეყნების კარტელი ოპეკი, წარმოების შეზღუდვის ვადას, დიდი ალბათობით, წლის ბოლომდე გააგრძელებს. ამის შესახებ ოპეკის თავმჯდომარე ქვეყნის, საუდის არაბეთის ნავთობის მინისტრმა განაცხადა.

შეზღუდვის მიზანი, ბაზარზე ნავთობის ჭარბი მიწოდების დაბალანსებაა, თუმცა, შეერთებულ შტატებში, ფილქანული მეთოდით მოპოვებული ნავთობის მარაგების ზრდა, ისევ საფრთხეს უქმნის ოპეკის გადაწყვეტილებას და გასულ კვირაში ნავთობის ფასი თითქმის 6 პროცენტით დაეცა. საუდის არაბეთის ნავთობის მინისტრის განცხადების შემდეგ ნავთობის ფასი ერთი პროცენტით გაიზარდა.