საქართველოს პრეზიდენტმა, გიორგი მარგველაშვილმა, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა, ვიქტორ დოლიძემ და ევროკავშირის ელჩმა საქართველოში იანოშ ჰერმანმა რიყის პარკში ევროპის დღის აღსანიშნავი ღონისძიებები ოფიციალურად გახსნეს.

საქართველოს პრეზიდენტმა გახსნის ცერემონიაზე ევროინტეგრაციის მიმართულებით ქვეყნის მიერ მიღწეულ პროგრესზე ისაუბრა.

ევროკავშირის წარმომადგენლობა საქართველოში, ევროკავშირის წევრი 18 ქვეყნის საელჩოებსა და სხვა პარტნიორ ორგანიზაციებთან ერთად, რიყის პარკში ევროპის დღის აღსაღნიშნავ ღონისძიებას მართავს.

ღონისძიებები ოფიციალურად 12:00 საათიდან დაიწყო, ოფიციალური გახსნის ცერემონია კი ამ წუთებში დასრულდა.

ადგილზე კონცერტები მთელი დღის განმავლობაში მიმდინარეობს. სპეციალურად დღევანდელი დღისათვის გერმანიიდან მოწვეული ბენდი ჯაზანოვა დაუკრავს. ღონისძიებას ჯგუფი „მგზავრები“ საზეიმო კონცერტით დახურავს.

ადგილზე მოწყობილია გასართობი ზონები და კვების ობიექტები, ჩატარდება თამაშები, გამარჯვებულები კი პრიზებით დაჯილდოვდებიან.

გასართობი ღონისძიებების პროგრამა ასეთია:

✔ დღის კონცერტი

- ბავშვთა ვოკალური ანსამბლები (იტალია, გერმანია, პოლონეთი, ლიტვა)

- ქართული ცეკვის ანსამბლი "ნართები"

- ევროპელი არტისტები:

Sabina Chanturia (შვედეთი)

Duclimer Band Slovácko (ჩეხეთი)

Francesco Miorin (Guitar, voice)

Antonio Sernia (Bouzouki, voice)



✔ საღამოს კონცერტი

- Jazzanova live feat Paul Randolph

- ჯგუფი მგზავრები



✔ გასართობი პროგრამები დღის განმავლობაში:

- საინფორმაციო სტენდები

- დრამ შოუ

- წარმოდგენა მიმების შესრულებით

- გიფები და ფოტოზონები

- მინი ევროპის „Check in” ზონა

- საბავშვო გასართობი პროგრამა (უამრავი თამაში და აქტივობა).