საქართველო მსოფლიო რბენას უერთდება – ხვალ ღონისძიება კახეთში, ლოპოტას გადასახვევიდან კავკასიონის ქედის გასწვრივ მეოთხედ გაიმართება.

ამის გამო, 7 მაისს, 10:00-დან 19:00 საათამდე, თელავი-ყვარელის გზატკეცილზე მოძრაობა შეიზღუდება და მგზავრობის მსურველები თელავი-აფენი-კაბალის შემოვლითი გზით ისარგებლებენ.

მსოფლიო რბენა სპორტისა და ახალგაზრდობის საქმეთა სამინისტროს ორგანიზებით წელს "ჩექ ინ ჯორჯია" სპორტის ფარგლებში გაიმართება. მხარდაჭერი და ორგანიზატორია ასევე ეროვნული ფედერაცია “სპორტი ყველასთვის“.

ღონისძიებიდან შემოსული თანხა სრულად გადაერიცხება "ვინგს ფორ ლაიფის" ფონდს, რომელიც ზურგის ტვინის დაზიანების სამკურნალოდ სამედიცინო და კლინიკურ კვლევებს ატარებს.

საზოგადოებრივი მაუწყებელი, რომელიც მესამე წელია მსოფლიო რბენის აქტიური მხარდამჭერია, მარათონამდე, საფეხბურთო და სარაგბო მოედნებს მოაწყობს, სადაც თამაშს ყველა მსურველი შეძლებს.