რუსეთის თავდაცვის სამინისტრო, სირიაში უსაფრთხოების ოთხი ზონის შექმნასთან დაკავშირებით, იმედს გამოთქვამს, რომ კონფლიქტის დეესკალაცია უახლოეს მომავალში დაიწყება.

საგანგებო ბრიფინგზე რუსეთის თავდაცვის მინისტრის მოადგილემ განაცხადა, რომ ვლადიმერ პუტინი დარწმუნებულია, ახალი სტრატეგია სირიაში სამოქალაქო ომის დასრულებას ხელს შეუწყობს.

შეგახსენებთ, რომ მემორანდუმს, რომელიც სირიის ტერიტორიაზე ე.წ. დეესკალაციის, იგივე უსაფრთხოების ზონების შექმნას გულისხმობს, ხელი ასტანაში რუსეთმა, თურქეთმა და ირანმა მოაწერეს.

ამის მიუხედავად, სირიის ოპოზიციის ნაწილს არ სჯერა, რომ რუსეთის სტრატეგია ქვეყანაში მშვიდობის მომტანი იქნება. მათი აზრით, ეს მემორანდუმი მხოლოდ ბაშარ ასადის რეჟიმის შენაჩუნებას ემსახურება.