ვლადიმერ ხინჩეგაშვილის მორიგი ტრიუმფი. ქართველმა მოჭიდავემ თავისი ტიტულების მდიდრულ კოლექციას კიდევ ერთი ჯილდო შემატა. ლადომ სებრეთში მიმდნარე ევროპის ჩემპიონატზე, ოქროს მედალი მოიპოვა.

ოლიმპიური თამაშების და მსოფლიოს მოქმედმა ჩემპიონმა, კონტინენტის პირველობა მესამედ მოიგო. ხინჩეგაშვილმა ფინალში სასწაული შეხვედრა შემოატრიალა, რომელსაც რუს აჰმეტ ჩაკაევთან 0-7-ს აგებდა.

დარჩენილ წუთნახევარში კი, მაღალი კლასის და ბოლომდე ბრძოლის ხარჯზე, 10-9 გაიმარჯვა და საქართველოს ნაკრებს მიმდინარე ტურნირზე, მესამე მედალი შესძინა.

დღეს 125 კილოგრამ წონით კატეგორიაში ბრინჯაოს მედლის მოპოვების შანსი აქვს, გასული წლის ევროპის ჩემპიონ გენო პეტრიაშვილს, რომელიც მესამე ადგილისთვის შეხვედრას უნგრელი დანიელ ლიგეტის წინააღმდეგ ჩაატარებს. ფინალური ბლოკი, თბილისის დროით, 21 საათზე დაიწყება