საკონსტიტუციო ცვლილებებზე საქართველოში მყოფმა მაღალი რანგის სტუმარმაც ისაუბრა. ევროკომისარმა იოჰანეს ჰანმა პრემიერს ცვლილებების პროექტის გარშემო ფართომასშტაბიანი საზოგადოებრივი დიალოგისკენ მოუწოდა.

ევროპული სამეზობლო პოლიტიკისა და გაფართოების საკითხებში ევროკომისარმა ვიზა-ლიბერალიზაციის შედეგებიც შეაჯამა და საქართველოს აღმოსავლეთ პარტნიორობის პროგრამის წარმატებული ქვეყანა უწოდა.

ქართული მხარე ევროკომისიიდან მორიგ ფინანსურ დახმარებას მიიღებს. გადაწყდა, რომ თბილისში ევროპული სკოლაც გაიხსნება, რომლის ატესტატები საერთაშორისო დონეზე იქნება აღიარებული.