სახელმწიფო უსაფრთხოების სამსახურის ხელმძღვანელის ვახტანგ გომელაურის განცხადებით, მისი მოადგილის, იოსებ გოგაშვილის საქმეზე პროკურატურა მოკვლევას უკვე აწარმოებს.
როგორც გომელაურმა ჟურნალისტებს თემის კომენტირებისას განუცხადა, ყველა კითხვაზე პასუხს გოგაშვილის მიერ შევსებული ქონებრივი დეკლარაცია გასცემს.
„ამ საკითხზე მიმართეს პროკურატურას, როგორც ცნობილია ყველასთვის. დაიწყეს მოკვლევა. თუ რამე აღმოჩნდება, რა თქმა უნდა, პროკურატურა გააკეთებს განცხადებას.
თუმცა მე გირჩევდით, ნახოთ ელემენტარულად მისი შევსებული დეკლარაცია, ყველა კითხვაზე პასუხი გაცემული იქნება.
ყველას აქვს უფლება- ჩემ დედმამიშვილსაც, თქვენ დედმამიშვილსაც, ჰქონდეს რაიმე ქონება“,- განაცხადა გომელაურმა.
ცნობისათვის, მედიაში სახელმწიფო უსაფრთხოების სამსახურის უფროსის მოადგილის კორუფციულ სქემებში მონაწილეობაზე საუბრობენ.