საჯარო უწყებებში ჩატარებული ოპტიმიზაცია საია-ს ანგარიშში ხვდება. არასამთავრობო ორგანიზაციის კვლევის მიხედვით, საბიუჯეტო ხარჯების შემცირების მიზნით, ჯამში სამსახური 2 500-მდე ადამიანმა დაკარგა.

გადაიხედა სახელფასო სისტემაც. გაუქმდა პრემიები და შემცირდა აიპების დაფინანსებაც, რასაც კვლევის ავტორები პოზიტიურად აფასებენ.

ახალგაზრდა იურისტთა ასოციაციის ძირითადი შენიშვნები ოპტიმიზაციის პროცესს უკავშირდება. საია ფიქრობს, რომ თანამშრომელთა გათავისუფლების კრიტერიუმები მკაფიოდ გაწერილი არ ყოფილა.