"ევროპის რეკონსტრუქციისა და განვითარების ბანკი", წელს საინვესტიციო პორტფელის გაზრდას და 350 მილიონ ევრომდე ინვესტირებას გეგმავს. "ევრობანკის" რეგიონული დირექტორის, ბრუნო ბალვანერას თქმით, სტრატეგია ტურიზმის, სოფლის მეურნეობის, კვების მრეწველობისა და კლინიკების მიმართულებით ინდივიდუალური პროექტების განხორციელებას ითვალისწინებს.
EBRD-ის მნიშვნელოვან პრიორიტეტებს შორისაა დიდი და საშუალო ჰიდროელექტროსადგურების და განახლებადი ენერგიის პროექტების მომზადება. რაც შეეხება საქართველოს ეკონომიკის ზრდის განახლებულ პროგნოზს, "ევროპის რეკონსტუქციისა და განვითარების ბანკი", მას მომავალ კვირაში გამოაცხადებს.
ბალვანერას თქმით, მიუხედავად იმისა, რომ ინფლაცია შედარებით მაღალ მაჩვენებელზეა, საერთო ჯამში, ეკონომიკის მაჩვენებლები საკმაოდ პოზიტიურია.