სახელმწიფო სტაჟირების პროგრამის ფარგლებში, ეთნიკური უმცირესობის 70-მდე წარმომადგენელი სამთვიან სტაჟირებას 21 საჯარო უწყებაში გაივლის.

საპილოტე პროგრამის კონკურსის გამარჯვებულებს დღეს შერიგებისა და სამოქალაქო თანასწორობის საკითხებში სახელმწიფო მინისტრი შეხვდა. პროექტი უშუალოდ "1+4" საგანმანათლებლო პროგრამის მონაწილეებისთვის ხორციელდება.

სტაჟირების სახელმწიფო პროგრამაში მონაწილეობისთვის სულ 151 სტუდენტი დარეგისტრირდა, გასაუბრების ეტაპზე 90 გადავიდა, გასაუბრება წარმატებით 67-მა აპლიკანტმა გაიარა.