უკრაინის ქალაქ ოდესაში პოლიციამ ზურგჩანთა აღმოაჩინა, რომელშიც ასაფეთქებელი მოწყობილობები იყო მოთავსებული. უკრაინის შინაგან საქმეთა სამინისტროს ინფორმაციით, სამართალდამცველებმა ზურგჩანთაში “ეფ 1”-ისა და “ერ-გე-დე 2”-ის ტიპის ხელყუმბარები და ელექტროდეტონატორი იპოვნეს.

უკრაინის ძალოვანი სტრუქტურები სისხლის სამართლის საქმის აღძვრას გეგმავენ. ოდესის პოლიციაში ასევე აცხადებენ, რომ 2014 წლის 2 მაისის ტრაგიკული მოვლენების წლისთავზე ქალაქში საზოგადოებრივ წესრიგს 2 ათასი სამართალდამცველი დაიცავს.

2014 წელს მოძრაობა “ანტიმაიდანისა” და მოძრაობა “ევრომაიდანის” მომხრეებს შორის შეტაკებას 48 ადამიანი ემსხვერპლა.