საგარეჯოში დაკარგული არასრულწლოვანი იპოვეს.
„მოამბის“ ჟურნალისტის ინფორმაციით, მოზარდი სამართალდამცავებმა დედოფლის წყაროს სოფელ ზემო ქედში, მამის საცხოვრებელ სახლში წუხელ ნახეს და რაიონულ პოლიციაში, დაკითხვაზე გადაიყვანეს.
არასრულწლოვანის ოჯახის წევრების თქმით, ფერმის მეპატრონემ მოზარდი სამუშაოდ მათი ნებართვის გარეშე წაიყვანა.
მეზობლები კი ამბობენ, რომ მშობლებისთვის ამ ფაქტის შესახებ ცნობილი იყო, ადგილსამყოფელის შესახებაც ფლობდნენ ინფორმაციას, თუმცა ამის შესახებ ინფორმაცია საზოგადოებას დაუმალეს.
მათი თქმით, ახალგაზრდამ ფერმიდან ცხენი და სხვადასხვა ნივთები მოიპარა და მეზობელ სოფელში მამასთან გადავიდა.
ფერმის მეპატრონის განცხადების საფუძველზე შსს-მ გამოძიება სისხლის სამართლის კოდექსის 177-ე მუხლის მეორე ნაწილით დაიწყო, რაც ქურდობას გულისხმობს.
ნივთმტკიცებად ნაპოვნია ორი ცხენი, რომელიც მოზარდს თან ჰყავდა.
საგარეოჯოში არასრულწლოვანს ორი დღის განმავლობაში ეძებდნენ.