დავით უსუფაშვილის პოლიტიკურ ბიოგრაფიაში ახალი ეტაპი იწყება. ექვსთვიანი ტაიმ-აუტის შემდეგ პარლამენტის ყოფილი თავმჯდომარე ახალ პოლიტიკურ გაერთიანებას ქმნის.

,,რესპუბლიკელების” ყოფილი ლიდერის პრიორიტეტია ურთიერთბრალდებების დასრულება, კონსტრუქციული პოლიტიკური ველის ჩამოყალიბება და სამოქალაქო პარტნიორობის შექმნა. თუმცა ჯერ უცნობია, ვისთან ერთად აპირებს უსუფაშვილი ამ მიზნების განხორციელებას.

საკუთარი გუნდის შემადგენლობა მომავალი ცენტრისტული პარტიის ლიდერმა საიდუმლოდ დატოვა. პოლიტიკური პარტნიორების ვინაობა ერთ თვეში, მოახლოებული თვითმმართველობის არჩევნების წინ დასახელდება.