ამერიკის შეერთებული შტატები ჩრდილო კორეის მიმართ სანქციებს ამკაცრებს. ახალი სტრატეგიის ფარგლებში, რომელიც ფხენიანის ბირთვული პროგრამის შეჩერებას ისახავს მიზნად, ერთ-ერთ მთავარ საკითხს ჩინეთის დარწმუნება წარმოადგენს, ფხენიანზე ზეწოლა განახორციელოს.
განიხილება ასევე ჩრდილოეთ კორეის ტერორიზმის ხელშემწყობ ქვეყანათა სიაში დაბრუნება. ახალი სტრატეგიის შემუშავების შესახებ პრეზიდენტმა დონალდ ტრამპმა, თეთრ სახლში ამერიკელ სენატორებთან გამართული საგანგებო შეხვედრის შემდეგ განაცხადა, რომელსაც ასევე ესწრებოდნენ თავდაცვისა და სახელმწიფო მდივნები.
შეხვედრაზე ხაზი გაესვა ჩრდილოეთ კორეიდან მომავალ რეალურ საფრთხეს, პრიორიტეტად კი საკითხის მოლაპარაკების გზით გადაწყვეტა დასახელდა.
აშშ-ის გადაწყვეტილებას ჩინეთი პოზიტიურ ნაბიჯად აფასებს.