აპრილი 27, 2017
220
იუსტიციის საბჭოს წევრის, ევა გოცირიძის განცხადებით, მთავარი განსახილველი საკითხი მისი იუსტიციის საბჭოს სხდომაზე დაყენებული ინიციატივაა, რომელიც საბჭომ ერთხმად მოიწონა.
გოცირიძე ამბობს, რომ ზოგიერთი მედიასაშუალებისა და ჟურნალისტის მიერ მოსამართლეთა მიმართ გამოთქმული მოსაზრებები სიტყვის გამოხატვის თავისუფლებას სცილდება და ემსახურება მოსამართლეთა მიზანმიმართულ დისკრედიტაციასა და რეპუტაციის შელახვას.
ევა გოცირიძე ამბობს, რომ მსგავს შემთხვევაში მოსამართლის მხრიდან რეპუტაციის დაცვა სასამართლოს გზით, შესაძლოა, მიკერძოებად ჩაითვალოს და უმჯობესია, თუ გარკვეული რეკომენდაციები დაწესდება და გაივლება ზღვარი მედიის წარმომადგენლების მხრიდან სიტყვის გამოხატვის თავისუფლებასა და პიროვნულ შეურაცხყოფას შორის.
მაჩვენე მეტი