საქართველოს პრემიერმინისტრი ოფიციალური ვიზიტით რუმინეთში იმყოფება. უკვე გაიმართა 2 ქვეყნის მთავრობების წარმომადგენლების გაფართოებული შეხვედრა.
მხარეები პოლიტიკური, ეკონომიკური, ენერგეტიკული, სატრანზიტო და კულტურულ-ჰუმანიტარული მიმართულებებით თანამშრომლობის გაღრმავებაზე შეთანხმდნენ.
რუმინეთის პრემიერ-მინისტრის განცხადებით, საქართველოსა და რუმინეთის მთავრობები დაინტერესებული არიან შავი ზღვის, როგორც ევროპა, აზიისა და სამხრეთ კავკასიას შორის არსებული ხიდის ეკონომიკური პოტენციალით.
როგორც რუმინეთის პრემიერ-მინისტრმა ქართველ კოლეგასთან შეხვედრის შემდეგ განაცხადა, ორივე მხარისთვის საინტერესოა, ტრანსპორტირებისა და ენერგეტიკის სფეროში არსებული რეგიონალური პროექტები, რომლებიც კასპიისა და შავი ზღვების დერეფნის ამოქმედებას ისახავს მიზნად.
ასევე ხაზი გაესვა ტურიზმის სფეროში თანამშრომლობის განვითარების მნიშვნელობასა და ვიზალიბერალიზაციის გზაზე საქართველოს მიერ მიღწეულ წარმატებას.