ივნისში თბილისი საქართველო-რუმინეთის ბიზნეს-ფორუმს უმასპინძლებს. გადაწყვეტილება ორი ქვეყნის პრემიერების შეხვედრაზე მიიღეს. გიორგი კვირიკაშვილი ბუქარესტში ოფიციალური ვიზიტით იმყოფება.

რუმინელ კოლეგასთან აუდიენციის დროს მხარეები სავაჭრო-ეკონომიკური თანამშრომლობის გაღრმავებაზე შეთანხმდნენ. აქცენტი გაკეთდა შავი ზღვის უსაფრთხოების გაძლიერების პროცესში საქართველოს როლზე და ოკუპირებულ ტერიტორიებზეც.

ოფიციალურმა ბუქარესტმა საქართველოს ევროატლანტიკური მისწრაფებებისადმი მხარადჭერა კიდევ ერთხელ დაადასტურა.