ენგურის ხიდთან გამართულ აქციაზე დაკავებულ დარეჯან როგავას ზუგდიდის რაიონულმა სასამართლომ ადმინისტრაციული სამართალდარღვევათა კოდექსის შესაბამისად 250 ლარიანი ჯარიმა შეუფარდა.
რაც შეეხება ოჯახის სხვა წევრებს, ისინი ენგურის ხიდზე რჩებიან. მათთან ზუგდიდის რაიონის გამგებლის პირველი მოადგილე მამუკა წოწერია მივიდა, რომელიც ოჯახის წევრებს გაესაუბრა და მათ მოთხოვნები მოისმინა.
წოწერია თქმით, ოჯახი ითხოვს არჩიკო და პაატა როგავების მდგომარეობის დამადასტურებელ რაიმე საბუთს, ასევე ოჯახის წევრებთან სატელეფონო კავშირს.
მისივე თქმით, შერიგებისა და სამოქალაქო თანასწორობის საკითხებში სახელმწიფო მინისტრის აპარატი ჩართულია ამ პროცესში და სახელმწიფო ყველაფერს გააკეთებს, რათა ეს ადამიანები სანამ რჩებიან სოხუმის იზოლატორში, ჰქონდეთ ნორმალური მდგომარეობა.