ორი მსხვილი ენერგოკომპანია საქართველოს ათეულობით მილიონ დოლარს ედავება. „ინტერ-რაომ“ და ,,ყაზტრანსგაზმა” შესაძლოა საერთაშორისო საარბიტრაჟო სასამართლოს მიმართონ.
ყაზახელი ინვესტორები ,,ყაზტრანსგაზ-თბილისის” მართვაში დაბრუნებას ან კომპანიის გაყიდვას ითხოვენ. დავის მიზეზია რვა წლის წინ მიღებული გადაწყვეტილება, რომლითაც ყაზახური მხარე სოლიდური დავალიანების გამო გაზგამანაწილებელი კომპანიის მენეჯმენტს ჩამოაშორეს.
რაც შეეხება რუსულ ენერგოგიგანტს - „ინტერ-რაოს“, პროტესტი ლარის გაუფასურებას და დენის ტარიფის უცვლელად დატოვებას უკავშირდება.
,,თალასის” მფლობელი კომპანია კურსის ვარდნით გამოწვეული ზარალის ანაზღაურებას ითხოვს. გადაინაცვლებს თუ არა ხანგრძლივი მოლაპარაკებები არბიტრების წინაშე: ორივე შემთხვევაში საქართველოს ენერგეტიკის სამინისტროს შეთანხმების იმედი აქვს.