საფრანგეთის საპრეზიდენტო არჩევნების პირველ ტურში ცენტრისტი ემანუელ მაკრონის გამარჯვებას, ევროპის ბირჟებზე მკვეთრი ზრდა მოჰყვა.

ბოლო ხუთი თვის რეკორდულ მაჩვენებლამდე 2 პროცენტით გამყარდა ევროს კურსიც. ყველაზე მკვეთრად 4.4 პროცენტით გაიზარდა საფრანგეთის წამყვანი საფონდო ინდექსი, რაც 2012 წლის შემდეგ საუკეთესო მაჩვენებელია. ყველაზე კარგი შედეგი საბანკო სექტორმა აჩვენა.

ფრანგული "სოსიეტე ჟენერალის" აქციები 10 პროცენტით, ხოლო "კრედიტ აგრიკოლეს" აქციები 8 პროცენტით გაიზარდა. ანალიტიკოსები თვლიან, რომ პირველ ტურში მაკრონის გამარჯვების გამო ევროპულმა ფინანსურმა ბაზრებმა შვებით ამოისუნთქეს.