ლევან მჭედლიძის მეექვსე გოლი მიმდინარე სეზონში ემპოლის შემადგენლობაში. ქართველმა ფეხბურთელმა, ამჯერად მილანს სან სიროზე გაუტანა და თავის გუნდს მნიშვნელოვან გამარჯვებაში დაეხმარა.

მჭედლიძემ გოლი მატჩის მე-40 წუთზე გაიტანა. მეორე ტაიმის სტარტზე კი, ქართველმა ფორვარდმა ტრავმა მიიღო და იგი საკაცით გაიყვანეს მოედნიდან.

როგორც შემდეგ გახდა ცნობილი, ლევანს მუხლის მყესები აქვს დაზიანებული და სავარაუდოდ, სეზონის ბოლომდე ჩამოშორდება მოედანს. აღნიშნული თამაში ემპოლიმ 2:1 მოიგო და დიდი ნაბიჯი გადადგა სერია „ა”-ში ადგილის შესანარჩუნებლად.