სამეგრელოში ძლიერი ქარია - როგორც „მოამბის“ კორესპონდენტი ადგილიდან იუწყება, სტიქიამ განსაკუთრებით დააზიანა წალენჯიხის რაიონში სოფლები ჯვარი, მუჟავა, ჭალე და ჩქვალერი.

ძლიერმა ქარმა მრავალწლოვანი ხეები მოგლიჯა, ასევე დააზიანა საკუთარი სახლებისა და საცხოვრებელი კორპუსების სახურავები.

ადგილზე მუშაობს როგორც წალენჯიხის მუნიციპალიტეტის გამგეობა, ასევე ზარალის დამთვლელი კომისა. ჯერჯერობით ზარალის ოდენობა უცნობია.

ამასთან, სოფლებში დაზიანებულია ელექტრო გადამცემი ხაზები, სოფლებს ელექტროენერგია ამ დრომდე არ მიეწოდება.

ადგილზე „ენერგო პრო ჯორჯიას“ წარმომადგენლები მუშაობენ.