დანიის ქალაქ როსკილდში გამართული კონტაქტური კარატეს ევროპის ჩემპიონატზე, რომელშიც 30 ქვეყნის 400-მდე სპორტსმენ ასპარეზობდა, საქართველოს ეროვნულმა და ახალგაზრდულმა ნაკრებებმა, ჯამში 5 მედალი მოიპოვეს. აქედან 1 ოქრო 2 ვერცხლი და 2 ბირნჯაო.

ამასთან ერთად, ჩვენმა დელეგაციამ 2020 წლის ევროპის ჩემპიონატის მასპინძლობის უფლება მეორედ მოიპოვა.

დღეს სამინისტროში სპორტისა და ახალგაზრდობის საქმეთა მინისტრმა ტარიელ ხეჩიკაშვილმა და სპორტის, პოლიტიკის და მართვის დეპარტამენტის უფროსმა ირაკლი დოლაბერიძემ ევროპის ჩემპიონატიდან დაბრუნებულ კიოკუშინკაი კარატეს, ეროვნულ და ახალგზარდულ ნაკრებებს უმასპინძლეს.

აღსანიშნავია, რომ დასრულებულ კონტინენტის პირველობაზე მსოფლიოს ჩემპიონატის ლიცენზიებიც გათამაშდა. 4 ქართველ კარატისტს ლიცენზია უკვე მოპოვებული აქვს. მსოფლიოს ჩემპიონატი პირველ-ორ ივლისს, ყაზახეთში გაიმართება