უნგრეთის პრემიერი უნგრელ ბიზნესმენებს საქართველოში ინვესტიციების ჩადებისკენ მოუწოდებს. რუსეთთან კონფლიქტური სიტუაცია ეკონომიკურ ურთიერთობებზე არ უნდა აისახოს,- ამ გზავნილით წარდგა ვიქტორ ორბანი ბიზნეს-ფორუმზე, რომელსაც თბილისმა უმასპინძლა.

უნგრეთის მთავრობის მეთაურმა საქართველოში გატარებულ რეფორმებს პოზიტიური შეფასება მისცა და ბიუროკრატიის შემცირებაზეც ისაუბრა. სტუმარმა ქვეყნის ტერიტორიულ მთლიანობას და ევროინტეგრაციას მხარდაჭერა კიდევ ერთხელ გამოუცხადა და ქართველი კოლეგა უნგრეთში დაპატიჟა.