საქართველოსა და უკრაინის საგარეო საქმეთა მინისტრებმა თბილისში ერთობლივ დეკლარაციას მოაწერეს ხელი. ცერემონია საქართველოში უკრაინის საგარეო საქმეთა მინისტრ პავლო კლიმკინის ოფიციალური ვიზიტის ფარგლებში გაიმართა.
დოკუმენტში დაგმობილია რუსეთის ფედერაციის მხრიდან საქართველოსა და უკრაინის ტერიტორიების ოკუპაციისა და აგრესიული ქმედებების გაგრძელება, რაც საერთაშორისო სამართლის ფუნდამენტური პრინციპების უხეშ დარღვევადაა მიჩნეული.
ერთობლივ დეკლარაციაში მინისტრები შეთანხმდნენ გააგრძელონ საქართველოსა და უკრაინას შორის კოორდინაცია და თანამშრომლობა საერთაშორისო და რეგიონული ორგანიზაციების ფარგლებში. დეკლარაციაში დადასტურებულია ორ ქვეყანას შორის ორმხრივი სავაჭრო-ეკონომიკური თანამშრომლობის შემდგომი განვითარების მნიშვნელობაც.
ერთობლივ პრესკონფერენციაზე მიხეილ ჯანელიძემ იმედი გამოტქვა რომ უკრაინის პრეზიდენტი საქართველოს ეწვევა