თურქეთის უმაღლესმა საარჩევნო საბჭომ, რეფერენდუმის შედეგების გაუქმების შესახებ ოპოზიციის აპელაცია არ დააკმაყოფილა, თუმცა ხელისუფლების ოპონენტები დანებებას არ აპირებენ და კანონით გათვალისწინებულ ყველა ხერხს მიმარავენ.
ძირითადი ოპოზიციური გუნდი სახალხო რესპუბლიკური პარტია რეფერენდუმის შედეგებს საკონსტიტუციო სასამართლოში და ადამიანის უფლებათა ევროპულ სასამართლოში გაასაჩივრებს.
აღსანიშნავია, რომ უმცირესობას საპროტესტო აქციების გამართვის უფლება ქვეყანაში გამოცხადებული საგანგებო მდგომარეობის გამო აკრძალული აქვს. შესაბამისად, სამართლებრივი გზა ბრძოლის ერთადერთ შესაძლებლობად რჩება.
განცხადება გაავრცელა ეუთო-მაც, რომელმაც გასულ კვირას გამართულ საყოველთაო გამოკითხვას უარყოფითი შეფასება მისცა. ორგანიზაცია თურქეთის ხელისუფლებას ხმების გადათვლისკენ მოუწოდებს.