ანაკლიაში მესაკუთრეებისთვის კომპენსაციის სახით ჯერ 13 მილიონია გაცემული. სახელმწიფო ქონების ეროვნულ სააგენტოს მონაცემებით, ამ ეტაპზე განსახლების ხელშეკრულება 200 მესაკუთრესთან არის გაფორმებული. 90-მა ოჯახმა ტერიტორია უკვე დატოვა, მათთვის გადახდილი საკომპენსაციო თანხა კი 13 მლნ. ლარს აღემატება.

ამასთან, გახანგრძლივდა ქონების დატოვების ვადა. კონპენსაციის გადახდის შემდეგ, მათ ქონება 30 ივნისამდე უნდა დატოვონ, ნაცვლად 15 აპრილისა.

პორტის მშენებლობის არეალში 505 მიწის ნაკვეთი და 50 საცხოვრებელი სახლი, ერთი კომერციული ობიექტი და 255 სათავსო ექცევა.

განსახლებაზე სულ 87 მლნ. ლარზე მეტი უნდა დაიხარჯოს.