აპრილი 18, 2017
159
საქართველოს პარლამენტის ყოფილი წევრის ვასილ დავითაშვილის დაჭრის ფაქტზე ერთი პირი დააკავეს, რომელსაც ბრალს, სავარაუდოდ, დღეს წაუყენებენ.
ბრალდებული თელავის რაიონის სოფელ კისისხევში დააპატიმრეს. შინაგან საქმეთა სამინისტროს განცხადებით, მამაკაცი ჩადენილ დანაშაულს აღიარებს. უწყების ცნობით, მისი პირადი ჩხრეკისას მაკაროვის ტიპის პისტოლეტი ნივთმტკიცებად ამოიღეს.
საქართველოს პარლამენტის ყოფილი წევრი, ასევე თელავის მუნიციპალიტეტის ყოფილი გამგებელი ვასილ დავითაშვილი საკუთარი სახლის ეზოში გუშინ დაჭრეს. დავითაშვილს ჭრილობები ფეხის არეში აქვს მიყენებული. ის თელავის რაიონულ საავადმყოფოშია გადაყვანილი. მომხდარზე მიმდინარეობს გამოძიება.
მაჩვენე მეტი