გავრცელებული ინფორმაციით, გორის რაიონში რუსმა ოკუპანტებმა საქართველოს სამი მოქალაქე მაშინ დააკავეს, როცა ისინი მავთულხლართებს მიღმა სასაფლაოზე იმყოფებოდნენ.

ადგილობრივი მოსახლეობა ამბობს, რომ სამი ახალგაზრდა ოკუპირებულ ტერიტორიაზე მდებარე სოფელ არცევის სასაფლაოზე შესვლას ფარულად ცდილობდა.

შერიგებისა და სამოქალაქო თანასწორობის საკითხებში სახელმწიფო მინისტრის, ქეთევან ციხელაშვილის განცხადებით, საკითხი შესწავლის პროცესშია და ინფორმაცია საბოლოოდ დადასტურებული არ არის.